മുസ്ലീങ്ങള്‍ക്കിടയിലെ ബഹുഭാര്യാത്വം കാരണം മുഴുവന്‍ മുസ്ലീങ്ങളേയും പലരും പൊതുവേദികളില്‍ അപമാനിക്കുന്നത് കണ്ടിട്ടുണ്ട്. പ്രത്യേകിച്ചും ഈ അടുത്തകാലത്ത്. ഇപ്പോഴിതാ ബഹുഭാര്യാത്വത്തിനെതിരെ നിയമം ഉണ്ടാക്കാന്‍ ശുപാര്‍ശ ചെയ്തിരിക്കുന്നു. അതിനെതിരെ മുസ്ലീം മത മേധാവികളും രംഗത്തെത്തിയിട്ടുണ്ട്. ശരിയത്ത് മുന്‍ ഭാര്യയുടെ അനുമതിയോടെ രണ്ടാം വിവാഹത്തിന് സമ്മതിക്കുന്നില്ലെന്നും അനുമതിയില്ലാതെ ആകാമെന്നും പറയുന്നു എന്നാണവരുടെ വാദം. സുഖത്തിലും ദുഃഖത്തിലും ഭാര്യയുടെ കൂടെ നില്‍ക്കാം എന്ന് പറഞ്ഞാണ് സാധാരണ എല്ലാ വിവാഹങ്ങളും നടത്തുന്നത്. ചെറുക്കന്‍ പെണ്ണിന്റെ അച്ഛനെ ‘കെട്ടുന്ന’ മുസ്ലീം വിവാഹത്തിന് ഇത് ബാധകമല്ലേ എന്ന് അറിയില്ല. സ്വന്തം വിവാഹത്തിന് പോലും പങ്കെടുക്കാന്‍ കഴിയാത്ത മുസ്ലീം സ്ത്രീകള്‍ക്ക് ആ മതം നല്‍കുന്ന വില മനസ്സിലാക്കാമല്ലോ!
ദേഹത്ത് വൃണങ്ങളുമായി റോഡില്‍ അലഞ്ഞുതിരിയുന്ന ചില വിലകൂടിയ നായ്ക്കളെ കണ്ടിട്ടുണ്ട്. അസുഖം പിടിച്ചപ്പോള്‍ ഏതോ വീട്ടുകാര്‍ ഉപേക്ഷിച്ചതാണ്. തീരെ മനുഷ്യത്വമില്ലാത്ത ഈ പ്രവൃത്തിക്ക് സമമല്ലേ സുഖമില്ലാത്ത ഭാര്യയെ ഉപേക്ഷിച്ച് വേറെ വിവാഹം കഴിക്കുന്നത്? അതല്ല ഭാര്യയ്ക്ക് ഒരു കുഴപ്പവും ഇല്ലെങ്കില്‍പ്പോലും മറ്റൊരു സ്ത്രീയെക്കൂടി വിവാഹം കഴിച്ച് സംരക്ഷിക്കണം എന്നുണ്ടെങ്കില്‍ ആകാം; പക്ഷെ ആ സ്ത്രീയെ സംരക്ഷിക്കുക മാത്രമേ ചെയ്യാവു, ദേഹത്ത് തൊടരുത്. പറ്റുമോ?
നിയമപരമായി വിവാഹിതരാകാത്തവര്‍ക്ക് ഉണ്ടാകുന്ന കുട്ടികള്‍ക്കും സ്വത്തിന് അവകാശമുണ്ടെന്നാണ് പുതിയ നിര്‍ദ്ദേശം. അപ്പോള്‍ അത് നിയമപരമല്ലാത്ത ബന്ധങ്ങളെ പ്രോത്സാഹിപ്പിക്കുമെന്നും എങ്കില്‍പ്പിന്നെ എന്തുകൊണ്ട് നിയമപരമയ ബഹുഭാര്യാത്വത്തെ അനുവദിച്ചുകൂടാ എന്നാണ് കാന്തപുരം മുസലിയാരുടെ ചോദ്യം. ബോധമില്ലാത്ത മനുഷ്യന്‍ എന്നല്ലാതെ എന്ത് പറയാന്‍? കല്യാണം കഴിക്കാതെ കുട്ടികള്‍ ഉണ്ടായിക്കഴിയുമ്പോള്‍ മുങ്ങുന്നവന്മാരെ കുരുക്കാനായി നിയമം ഉണ്ടാക്കാം എന്നുവെച്ചപ്പോള്‍ അതിനും കുറ്റം.
ഭര്‍ത്താവിന് വയ്യ അതുകൊണ്ട് ഭാര്യ വേറെ വിവാഹം കഴിച്ചാല്‍ ഈ പ്രസംഗിക്കുന്നവര്‍ സമ്മതിക്കുമോ?
കുട്ടികള്‍ രണ്ട് മതി എന്നും പുതിയ ശുപാര്‍ശയില്‍ ഉണ്ട്. പടച്ചോന്‍ തരുന്നത് രണ്ട് കൈയും നീട്ടി സ്വീകരിക്കുക മാത്രം ചെയ്യുന്നവര്‍ ഇനി എന്ത് പറയും? ഹിന്ദുസ്ഥാന്‍ ലാറ്റക്സിനെ പറ്റി ഖുറാനില്‍ പറഞ്ഞിട്ടില്ലെന്നോ?
താടിയും വളര്‍ത്തി തൊപ്പിയും വച്ച് നടക്കുന്ന ചില വിവരമില്ലാത്തവര്‍ പറയുന്നത് കേട്ട് മുഴുവന്‍ മുസ്ലീങ്ങളേയും അപമാനിക്കേണ്ടതുണ്ടോ? വിവരമുള്ള മുസ്ലീങ്ങള്‍ തന്നെ ഇത്തരം വിവരദോഷികളുടെ വായടപ്പിക്കുന്നതല്ലേ നല്ലത്?
